2. Песни

Брошурата содржи партитури на песни, меѓу кои е и песната „Nežnost“ (текст на Блаже Конески, музика и аранжман на Љубомир Бранѓолица, изведувач Никола Давидовски, стр. 64–65); АЕ упатува на БК 1071.

АЕ содржи текст објавен во весникот „Neue Zürcher Zeitung“ од 31.1–1.2.1976 (Цирих), со белешка во ракопис „На академикот Блаже Конески со длабока почест, Иљма Инголд-Рагуша“; лист во пликот со песна во ракопис. На опачината на машинописот на руски јазик има необјавена песна во ракопис на Б. Конески со прв стих „Две сардели“.

На вториот лист од папката има нечитки строфи во ракопис на македонски.

АЕ содржи необјавена песна без наслов од Конески со прв стих „Зар оваа трева не би била вечна“.

Песна „Вино“ во машинопис и во ракопис; Песна „Љубов“ во машинопис и во ракопис; Песна „Маглено утро“ во машинопис и во ракопис.

АЕ ги содржи песните „Гранка“ и „Јасник“ (автографи и машинописи од двете песни). „Гранка“ е објавена во: Конески, Б. 2011. Поезија, кн. 2, Целокупни дела на Блаже Конески – Критичко издание. Скопје. Ману. Во истото издание има песна со наслов „Јасник“, но со друга содржина од автографот во архивската единица.

АЕ содржи 2 писма и нацрт-статут од Сојузот на славистички друштва на Југославија, на опачината на последниот лист има необјавена песна во ракопис под наслов „Женски облик“.

АЕ содржи ексцерпиран материјал и белешки од постари текстови, подреден според зборовните групи и други карактеристики. На опачината на еден лист се запишани две варијанти на песната „Есенска рамнина“ во ракопис.

АЕ содржи ракопис со молив и пенкало со следните наслови: „Шевелов“ (?) (ексцерпиран материјал), „Бобоштица“ (ексцерпиран материјал), „Штурци“ (песна), „Кулакија“ (ексцерпиран материјал), „Звукот на твојот глас“ (песна во ракопис објавена под насловот„Изворот на твојот глас“).