9.4. Поезија и проза на Конески објавени во печат

Новинарската статија објавена во списанието „Младост“ (стр. 46) содржи препев на српскохрватски на песната „За животот“.

Извадок од весникот „Luceafărul“, препев на песната „Круша“ на Конески од страна на Димитру М. Јон (Dimitru M. Ion).

Извадокот од македонски весник содржи препев на песната „Молитва за сон“ од Конески направен од Аугусто Фонсека (Augusto Fonseca).

Статии за Конески со препеви: „Due incontri con Blaze Koneski, premio Herder“, „Le poesie di Blaze Koneski“, „La prosa letteraria di Blaze Koneski“ и „Bibliografia di Koneski“ во „Relazioni arte“, год. V, бр. 11. Две копии. Третиот примерок е нецелосен и содржи 13 стр.

Извадок од весникот „Odjek“, год. XXXII, бр. 11.

Во списанието на стр. 24 и стр. 25 е објавен препев на песната „Везилка“ ("Vezilja"), како и фотографија од ракописот од песната „Брачна песна“ на Конески.

На стр. 10 од неделникот „Sonntag“ бр. 3 од 15.1.1989 објавено е интервју со Конески под наслов „Под белиот варовник на деновите“, направено од Валтрауд Јенихен. АЕ е придружена со белешка со превод на насловот на статијата.

АЕ содржи интервју на Милош Јевтиќ со Б. Конески во рубриката „Кultura v soboto“ во весникот „Večer“ од 17 март 1984; вклучен и препев на песна од Конески од страна на Иван Минати (Ivan Minatti); писмо до Конески од Милош Јевтиќ (Miloš Jevtić), април 1984, Белград.

АЕ го содржи списанието „Багдала“, година XXVI, октомври 1984 г. каде што на стр. 1 е објавен препев на песната „Данте“ и превод на расказот „Симфонија“, а во продолжение е објавен текст посветен на Конески со наслов „Уз Чесме“.