9.2. Новинарски статии и други текстови за Конески

Диплома за избор на Конески во надворешен член на Полската академија на уметности на Собранието одржано на 9.3.1991 г.; АЕ содржи писмо од Полската академија до Конески и говор на Амбасадорот на Полската Република во чест на Конески.

Текстот од Матеја Матевски, посветен на збирката песни „Послание“, е објавен во весникот „Комунист“, 6.11.1987.

АЕ содржи исечок од весникот „Нова Македонија“ од 28.12.1974, од рубриката „Културен живот“, под наслов: „Трето изборно собрание на Македонската академија на науките и уметностите: Една од највидните личности на нашата современост“.

АЕ содржи копија од енциклопедија на полски јазик во редакција на Станислав Витолд Балички (Stanisław Witold Balicki). Статијата за Конески ја напишал Вилим Франчиќ (Vilim Franćič).

АЕ ја содржи статијата „Есеи за имињата“ објавена во весникот „Вечер“ од 26.12.1991 г., посветена на книгата „Македонските места и имиња“ од Конески.

АЕ содржи број од илустрираната ревија „Журнал“ на НИП „Нова Македонија“ (бр. 164 од 6.3.1971 г.), со насловна страна посветена на Конески и куса информација за доделувањето на Хердеровата награда на Конески на стр. 4.

АЕ содржи три примерока од весникот „За македонцките работи“, год. 1, бр. 2, од 15.12.1971, посветен на Блаже Конески по повод неговиот 50-ти роденден. На насловната страница е објавена песната „Од возот“ од Б. Конески, додека на стр. 7 се наоѓа прилог за Блаже Конески под наслов „Албум – дневник – документ: Блаже Конески“ од Александар К. Нејман.

АЕ содржи извадок од весникот „Нова Македонија“ од 15.3.1968, год. XXIV, бр. 7695, каде што на насловната страница е објавен текстот посветен на промовирањето на Конески во почесен доктор на хуманистички науки на Универзитетот во Чикаго.

АЕ содржи извадок од весникот „Вечер“ од 16.2.1989 г. каде што е објавен текстот „И втор добитник на Хедеровата награда“, во кој е споменат Блаже Конески како прв добитник на Хедеровата награда.

Извадокот од весникот „La Voce di Napoli“, 3–4.8.1968, стр. 2, содржи библиографски податоци за книгите „Ricamatrice“ („Везилка“) од Конески и „Narratori macedoni“, приредена од Милан Ѓурчинов и Џакомо Скоти, и двете објавени во 1967 г. во Италија.