9.2. Новинарски статии и други текстови за Конески

АЕ содржи извадок од весникот „Борба“, 18.12.1971, каде што на стр. 8 се наоѓа текстот „Песникова животна мисија“ од Слободан Марковиќ, посветен на Блаже Конески и неговите студии за Свети Климент Охридски.

Весник „Дисово пролеће“, број 9; Б. Конески се споменува во текстот „Песници Дисовог пролећа“ 1964–1979, стр. 6.

АЕ содржи писмо од Иван Доровски до Блаже Конески, кој му го честита „Златниот венец“ на Струшките вечери и му испраќа прилог – исечок од чехословачкиот весник „Лидова демокрацие“ од 16.4.1981, каде што на стр. 5 се наоѓа информација за „Златниот венец“, како и препев на песна од Јозо Т. Бошковски.

Писмото содржи статија од Иван Дороски за Граматиката на Конески и за неговите преводи од чешки со наслов „Překlady do makedonštiny", објавена во весникот „Lidová demokracie“, 13.10.1977, стр. 5.

АЕ содржи писмо од новинарот Милош Јевтиќ до Конески поврзано со интервју на Конески во емисијата „Гост другог програма“ и статија од „Политика“ со најава на интервјуто.

АЕ ги содржи текстовите „Eksplicitna i imanentna poetika Blaža Koneskog“ и „Elegičnost poezije Blaža Koneskog“.

АЕ содржи едно писмо од Ана Пенингтон (според белешка во АЕ писмото е испратено 15 дена пред нејзината смрт) и копија од текст на Biljana Šljivić-Šimšić, University of Ilinois, Chicago Circle – World Literature Today from the winter 1981, pp. 140–141: Blazhe Koneski. Poems. Andrew Harvey, Anne Pennington, trs. London. Deutsch. 1979. 48 pages.

Покрај писмото од Лисенко, АЕ содржи една статија за Конески од Јуриј Чикирисов објавена во весникот „Литературна Україна“ на 15.3.1974 на стр. 2 и една статија од Леонид Коваленко за Лисенко, во која има упатување на македонската книжевност, објавена во весникот „Друг читача“ од 14.3.1974.

АЕ содржи статија „Jugoslaviassa puhutut kielet“, во која се споменуваат Блаже Конески и македонскиот јазик.

АЕ содржи писмо од Радомир Ивановиќ и негов текст „Zemaljski most nad nebeskom rekom (estetska epifanija u poeziji Blaža Koneskog)", напишан по повод објавувањето на стихозбирката „Небеска река“ од Конески.