8.1. Писма до Конески од други

АЕ содржи покана за објавување труд и прилог за уредување на трудовите.

Покана до Конески од Кралската академија за историја на Кралството Шпанија.

АЕ содржи Предлог, Реферат и Одлука за доделување на титулата почесен доктор на Универзитетот „Св. Кирил и Методиј“ на Блаже Конески и писмо од Љупка Јанашлиева до Конески, во кое го известува дека Наставно-научниот совет на Филолошкиот факултет едногласно го усвоил Рефератот за доделување на титулата на 4.12.1991 г. АЕ упатува на БК 22.

АЕ содржи преписка на Блаже Конески со Мирослав Ранков од „Матица српска“ во врска со издавањето антологија на македонската книжевност во 10 книги; списоци на избраните книги; други писма и препораки за македонските приредувачи на томовите.

АЕ содржи писмо од Хавранек со датум 17.4.1968 и машинопис од недатирано писмо без потпис и име на адресат. Во претходна белешка во АЕ е наведено дека писмото е одговор од Конески до Хавранек. Преписката се однесува на посета на Хавранек на Скопје.

Писмо од Шевелов до Конески датирано од 4.12.1977; содржи писмо од Шевелов до Конески датирано од 14.2.1978; писмо од Конески до Шевелов датирано од 1.3.1978 (и во машинопис и во ракопис); „Од историјата на предметот“, 3 л. независни од писмата придружени со 1 л. избрана библиографија.

Преписка со Дафина Хаџи Димова во врска со објавеното предавање на Димитар Митров „Димо Хаџи Димов – идеолог на македонското револуционерно движење“ во која Хаџи Димова бара примероци од предавањето, а МАНУ ѝ испраќа 6 примерока.

АЕ содржи едно писмо од Л. Згуста (L. Zgusta) и Х. Вензел (H. Wenzel) во кое бараат корекции на материјал; копија со исечок од книга; писмо со одговор од Б. Конески.

Преписка со Предраг Драгиќ во врска со објавувањето на неговиот осврт „Блаже Конески или слово о поезији“, објавен во списанијата „Књижевност и језик“ и „Октобар“.