8.1. Писма до Конески од други

АЕ содржи писмо од Никола Кнежевиќ од Градската библиотека во Суботица до Конески со благодарност за книгата на Конески преведена на унгарски јазик.

Одборот на наградата АВНОЈ го известува Б. Конески дека е добитник на наградата.

АЕ содржи писмо до Конески испратено од Полската амбасада во Белград, потпишано од Ст. Керзениевски, прв секретар на амбасадата во врска со пристигнати фотографии од престој на Конески во Полска.

Писмо од проф. М. Алтбауер до Конески во врска со Синајскиот псалтир и Добромировото евангелие. Датумот на писмото е преземен од печатот на пликот.

Копија од писмо од И. Минев до РТВ Скопје што му го препраќа на Б. Конески.

Писмо со кое лингвисти од Брно се обраќаат до светските слависти по повод инвазијата на СССР на Чехословачка. Датумот на писмото е прочитан од печатот на пликот.

АЕ содржи договор меѓу Блаже Конески и NIP "Pobjeda" – Titograd за објавување на изданието „Записи“; Конески, Б. Записи (превод и препјев Сретен Перовић). Побједа, Титоград 1975. 107 с.

АЕ содржи авторски договор помеѓу Блаже Конески, застапуван од Југословенската авторска агенција, и Wydawnictwo Łódzkie, како издавач на изданието „Lozje – izbor proze i poezije“.