[Фотографии]

АЕ содржи содржи седум нумерирани пликови: 1. три фотографии со книжевникот Марко Дабовиќ во Струга, 1987 год.; 2. четири фотографии од „Кикиќеви средби“ во Градачац, мај 1982 год.; на фотографиите се Исмет, Велида, Ајша и Томислав; 3. шест фотографии од Блаже Конески на Струшките вечери на поезијата во 1984; Конески се обраќа пред публиката; Конески седи до добитникот на Златниот венец за таа година, рускиот поет Андреј Вознесенски и до други гости и учесници; 4. една групна фотографија на која е Конески, Прилеп, 1941 год.; 5. десет фотографии на кои Конески е сам и со луѓе, објекти снимени во Ќустендил, Бугарија; на задната страна на фотографиите има печат дека се направени во фотостудио во Ќустендил, а на фотографијата 4 на задната страна со рака напишано „Личен адрес, ул. Цар Крум 20 и сопствена кола“; на фотографијата 9 на задната страна со рака напишано „Врх Столетов паметник“; на фотографијата 10 на задната страна со рака напишано „Летно кино, гр. Ќустендил“; 6. четири фотографии од 20-ти ЈУ Конгрес на есперанто, 1976 год.; 7. 33 фотографии од посета на Блаже Конески на Индија како дел од југословенска делегација; посета на разни културно-историски локалитети, меѓу кои и Кутб Минар комплексот во Делхи.